لڑکے اور لڑکیوں کے سینکڑوں رشتے ، جناب عامر علی خاں نیوز ایڈیٹر سیاست و رکن قانون ساز کونسل کی شرکت
حیدرآباد ۔ 12 ۔ اپریل : ( سیاست نیوز) : سیاست اور ملت فنڈ کے تعاون سے مسلم لڑکوں اور لڑکیوں کے رشتے طئے کرنے کے لیے والدین اور سرپرستوں کے لیے 140 واں دو بہ دو ملاقات پروگرام اتوار 13 اپریل 2025 کو صبح 10 تا 4 بجے شام رئیل ریجنسی گارڈن آصف نگر مین روڈ منعقد ہوگا۔ نگرانی جناب عامر علی خاں نیوز ایڈیٹر روزنامہ سیاست و رکن قانون ساز کونسل تلنگانہ کریں گے ۔ جب کہ مہمانان خصوصی کی حیثیت سے جناب سعید بن محمد القیعطی و جناب فیصل بن علی القیعطی پروپرائٹرس رائل ریجنسی گارڈن فنکشن ہال شرکت کریں گے ۔ پروگرام میں ایک ہی چھت تلے مختلف ، تعلیمی قابلیت و ہنر کے لحاظ سے مختلف کاونٹرس رہیں گے ۔ جہاں والدین اپنے لڑکوں و لڑکیوں کے فوٹوز اور بائیو ڈاٹا کی مدد سے بات چیت کرسکتے ہیں ۔ والدین سے خواہش کی جاتی ہے کہ وہ اپنے لڑکوں اور لڑکیوں کے ایک سے زائد فوٹوز اور بائیو ڈاٹاس کی کاپیز رکھیں تاکہ انہیں باہمی تعاون میں آسانی پیدا ہو ۔ دوبدو پروگرام میں تعلیم اور ہنر کے لحاظ سے میڈیسن ، انجینئرنگ ، گریجویٹس ، پوسٹ گریجویٹس کے علاوہ انٹر میڈیٹ ، ایس ایس سی ، عالم و حافظ کے علاوہ فنی کورس اور کم ترین تعلیمی قابلیت کے ساتھ عقد ثانی ، تاخیر سے شادی ، معذورین کے لیے رشتے دیکھے جاسکتے ہیں ۔ کاونٹرس پر کونسلرس والدین اور سرپرستوں و رشتہ دار کو رہنمائی و رہبری کریں گے ۔ اس کے علاوہ کمپیوٹر سیکشن میں فوٹوز اور بائیو ڈاٹاس ملاحظہ کیا جاسکتا ہے ۔ جن والدین نے سیاست میٹری ڈاٹ کام کے ذریعہ اپنے لڑکوں اور لڑکیوں کے رشتوں کے لیے رجسٹریشن کروائے ہیں انہیں بائیو ڈاٹاس دیکھنے اور انتخاب رشتہ کرنے کے سہولت درکار رہے گی ۔ اس پروگرام کو شہر حیدرآباد ، ریاست تلنگانہ اور آندھرا ہی نہیں بلکہ ملک کی تمام ریاستوں کے اضلاع اور بیرونی ممالک یعنی امریکہ ، کینڈا ، سعودی عرب ، دوحہ قطر ، دوبئی ، ابوظہبی کے ساتھ دیگر ممالک میں مقیم حیدرآبادیوں کے لیے پروگرام کے آغاز سے اس کے اختتام تک سیاست کے فیس بک ، اسکیب ، یوٹیوب پر راست مشاہدہ کی سہولت حاصل رہے گی ۔ عام دنوں میں دفتر ملت فنڈ احاطہ روزنامہ سیاست عابڈز میں روزانہ صبح 10 تا 4 بجے شام والدین جنہوں نے رجسٹریشن کروائے ہیں وہ لڑکوں اور لڑکیوں کے بائیو ڈاٹاس کا ملاحظہ کرسکتے ہیں ۔ والدین جو پہلی مرتبہ پروگرام میں شرکت کررہے ہوں 1000 روپئے رجسٹریشن کروانا ہوگا ۔ جنہیں رجسٹریشن کارڈ دیا جائے گا ۔ اس لیے رجسٹریشن کرواتے وقت بائیو ڈاٹا اور فوٹوز دینی ہوگی اس کے علاوہ مزید بائیو ڈاٹاس اور فوٹوز انہیں ملاقات کے دوران رکھنا ہوگا ۔ مزید تفصیلات کے لیے جناب خالد محی الدین اسد کوآرڈینٹر پروگرام سے فون نمبرات 7207524803 ۔ 7207244144 ، 9391160364 پر ربط کریں ۔۔
