راولپنڈی ۔22 اکتوبر (ایجنسیز) پاکستان کے نئے بولر آصف آفریدی نے انگلینڈ کے چارلس میریٹ کا 92 سال پرانا ریکارڈ توڑ دیا۔ آصف آفریدی ڈیبیو پر پانچ وکٹیں لینے والے معمر ترین کرکٹر بن گئے۔ جنوبی افریقہ کے خلاف راولپنڈی ٹسٹ کے آغاز کے وقت آصف آفریدی کی عمر 38 سال 299 دن تھی۔ واضح رہے کہ انگلینڈ کے چارلس میریٹ نے 1933 میں37 سال 332 دن کی عمر میں ڈیبیو پر پانچ وکٹیں لی تھی۔ جنوبی افریقہ کے خلاف پہلے ٹسٹ میچ میں آصف آفریدی کو ٹیم میں شامل نہیں کیا گیا تھا۔آفریدی نے اس مقابلے میں 79 رنز دیکر 6 وکٹیں حاصل کی اور افریقہ کو 404 رنز پر آوٹ کرنے میں اپنا رول ادا کیا لیکن مہمان ٹیم پہلی اننگز میں سبقت لی ۔
