نئی دہلی : دہلی کے وزیر ماحولیات گوپال رائے نے کہا ہے وزیر اعلی اروند کجریوال کی قیادت میں آلودہ ہوا کو پاک کرنے کے لئے اسماگ ٹاور لگانے والی دہلی ملک کی پہلی ریاست بن گئی ہے ۔رائے نے آج بابا کھڑگ سنگھ مارگ پر کناٹ پلیس میں نصب کیے جانے والے اسماگ ٹاور کا جائزہ لیا اور کہا کہ 20 کروڑ روپے کی لاگت سے نصب ہونے والے اسموگ ٹاور کا کام 15 اگست تک مکمل کرلیا جائے گا اس کے بعد ماہرین ماحولیات اس کے نتائج کا مطالعہ کریں گے ۔ اسماگ ٹاور اوپر سے آلودہ ہوا کو کھینچ کر ہوا کو پاک کرے گا اور اسے 10 میٹر کی بلندی پر چھوڑ دے گا۔ انہوں نے کہا کہ دہلی سرکار اسماگ ٹاور کی تعمیر کے لئے آئی ٹی ممبئی ، این بی سی سی اور ٹاٹا پروجیکٹس ڈی پی سی سی کے ساتھ مشترکہ طور پر کام کر رہی ہے ۔ اگر یہ پہلا پائلٹ منصوبہ کامیاب رہا تو دہلی میں اس طرح کے مزید اسماگ ٹاور لگائے جائیں گے ۔اس ٹاورکی اونچائی تقریبا 25 میٹر ہے اور اس کا طول 40 بائیس مربع میٹر ہوگا۔ یہ اسماگ ٹاورایک ہزار مکعب میٹر ہوا فی سیکنڈ پاک کرکے اسے باہر کی جانب خراج کرے گا ۔انہوں نے کہا کہ دنیا میں چین میں اس قسم کے اسموگ ٹاورکو لگایا گیا ہے ، لیکن چین کی ٹکنالوجی اور اس اسماگ ٹاور کی ہماری ٹیکنالوجی میں تھوڑا سا فرق ہے ۔ جس اسماگ ٹاور کو ہم لگارہے ہیں اس میں امریکی ٹکنالوجی استعمال کی جارہی ہے ۔
