حیدرآباد ۔15۔نومبر (سیاست نیوز) آندھراپردیش حکومت نے آر ٹی سی بسوں میں سینئر سٹیزنس کو ٹکٹ کی شرح میں 25 فیصد رعایت دینے کا فیصلہ کیا ہے ۔ اس سلسلہ میں آندھراپردیش روڈ ٹرانسپورٹ کارپوریشن نے احکامات جاری کئے ۔ ایسے سینئر سٹیزن جنہوں نے 60 سال کی تکمیل کرلی ہے ، انہیں آر ٹی سی کی تمام بسوں میں 25 فیصد رعایت دی جائے گی۔ ایسے افراد کو ٹکٹ کی خریدی کے وقت بطور ثبوت آدھار کارڈ ، سینئر سٹیزن کارڈ ، پیان کارڈ ، ووٹر شناختی کارلا ، پاسپورٹ یا راشن کارڈ پیش کرنا ہوگا۔ کارپوریشن کے تمام عہدیداروں کو ہدایت دی گئی ہے کہ سینئر سٹیزن کو ٹکٹ میں 25 فیصد رعایت پر عمل کریں۔ 1
