لکھنؤ۔ اتر پردیش کی گورنر آنندی بین پٹیل نے رام نومی کے مقدس موقع پر ریاستی باشندوں کو دل کی گہرائیوں سے مبارکباددی ۔ انہوں نے اپنے تہنیتی پیغام میں کہا ہے کہ بھگوان شری رام محبت ، ہم آہنگی اور عوامی فلاح کی علامت تھے ۔ ہمیں ان کے مثالی کردار کو اپناکرعوامی فلاح و بہبود کے جذبے سے کام کرناچاہئے ۔ گورنر نے کہا کہ اس وقت عالمی وبا کورونا بہت تیزی سے پھیل رہا ہے ۔ ایسی صورتحال میں سبھی لوگ کووڈ ۔19 سے بچاؤسے متعلق ضابطوں پر عمل کرتے ہوئے تہوار منائیں ۔