حیدرآباد ۔17 اپریل (سیاست نیوز)کورونا وائرس کی وجہ سے گھروں میں قیام کے دوران طلباء کو تعلیمی سرگرمیوں میں والدین اور ٹیچروں کی مدد سے مصروف رکھنے کی خاطر این سی ای آر ٹی نے ایم ایچ آر ڈی کی رہنمائی میں ایک متبادل تعلیمی کیلنڈرتیار کیا ہے۔ اس کو انسانی وسائل کے فروغ کے وزیر جناب رمیش پوکھریال نشنک نے جاری کیا۔ وزیر موصوف نے کہا کہ یہ کیلنڈرٹیچروں کو تفریحی انداز میں تعلیم فراہم کرنے مختلف ٹکنالوجی اور سوشل میڈیا ذرائع استعمال کرنے رہنما خطوط فراہم کرتا ہے ، جنہیں آموز کاروں کے ذریعے گھر پر تعلیم کے حصول کیلئے استعمال کیا جا سکتا ہے لیکن سوشل میڈیا کے مختلف وسائل ، جیسے موبائل ، ریڈیو ، ٹیلی ویڑن اور ایس ایم ایس کی مختلف سطح پر رسائی کوذہن میں رکھا گیا ہے۔ اس بات کو دھیان میں رکھتے ہوئے کہ ہم میں سے کئی کے پاس موبائل میں انٹرنیٹ کی سہولت نہیں ہے یا وہ سوشل میڈیا کے مختلف وسائل جیسے واٹس ایپ ، فیس بک ، ٹوئیٹر ، گوگل وغیرہ کا استعمال نہیں کر سکتے ، یہ کیلنڈرٹیچروں کی رہنمائی کرتا ہے کہ وہ موبائل پر ایس ایم ایس یا کال کرکے والدین اور طلبا کی رہنمائی کر سکیں۔ والدین سے امید کی جاتی ہے کہ وہ اس کیلنڈرکو نافذ کرنے میں ابتدائی سطح کے طلباء کی مدد کر سکیں گے۔ انہوں نے کہا ہے کہ پہلی سے بارہویں تک تمام جماعتوں اورمضامین کا اِس کے تحت احاطہ کیا جائے گا۔ یہ کیلنڈرتمام بچوں کی آڈیو بْکس ، ریڈیو پروگرام ،ویڈیو پروگرام وغیرہ کی تمام ضروریات پوری کریگا۔ پوکھریال نے کہا کہ اس کیلنڈرمیں ہفتے وارمنصوبہ موجود ہے ، جو نصابی کتابوں کے موضوعات / باب کے حوالے سے دلچسپ اور چیلنج بھری سرگرمیوں پر مشتمل ہیں۔ اہم بات یہ ہے کہ یہ آموزیشی نتائج کے موضوعات پر مبنی ہے۔
وزیر نے اجاگر کیا کہ یہ کیلنڈرتجرباتی سرگرمیوں ، جیسے آرٹ کی تعلیم ، جسمانی ورزش ، یوگا ، پیشہ ورانہ مہارت سے پہلے کی سرگرمیوں کا احاطہ کرتا ہے۔ اس میں مضمون کے حساب سے ہر جماعت کیلئے الگ سرگرمیاں دی گئی ہیں۔ اس میں چار زبانوں ہندی ، انگریزی ، اردو و کے مضامین بھی شامل ہیں۔ یہ کیلنڈراساتذہ ، طلبا اور والدین میں دباو اور پریشانی کو کم کرنے کی حکمت عملی پیش کرتا ہے۔ حکومتِ ہند کی ای۔ پاٹھ شالہ ، این آر او ای آر اور دیکشا پورٹل کے چیپٹر سے ای مواد کے لِنک بھی دستیاب ہیں۔ اس میں تمام سرگرمیاں مشورے پر مبنی ہیں ‘ لازمی نہیں ہیں۔ ٹیچراور والدین ، اِن سرگرمیوں کو متن میں شامل کر سکتے ہیں اور انجام دے سکتے ہیں ، جن میں طلبا دلچسپی ظاہر کریں۔ اس کیلنڈرکو ڈی ٹی ایچ چینلوں کے ذریعے مشتہر کیا جائیگا اور ایس سی ای آر ٹیز ، تعلیم کے ڈائریکٹوریٹس ، ایس سی ای آر ٹی ، کیندریہ ودیالیہ سنگٹھن ، نوودیہ ودیالیہ سمیتی ، سی بی ایس ای ، ریاستوں کے اسکولی تعلیم کے بورڈ وغیرہ کے ذریعے ویڈیو کانفرنسنگ سے بھی دستیاب کرایا جائے گا۔ یہ کلینڈر طلباء ، ٹیچروں ، اسکول کے پرنسپل اور والدین کو آن لائن تدریس کے وسائل کو استعمال کرتے ہوئے کووڈ 19 سے نمٹنے کے مثبت طریقوں سے بھی مطلع کرے گا اور گھر پر رہ کر اسکولی تعلیم کے حصول اور آموزیشی نتائج کو بہتر بنانے میں مدد کرے گا۔