بھوپال : مدھیہ پردیش کے وزیر داخلہ ڈاکٹر نروتم مشرا نے آج کہا کہ مدھیہ پردیش میں آن لائن گیمبلنگ اورگیمز پر پابندی لگانے سے متعلق مسودے کو حتمی شکل دے دی گئی ہے ، جلد ہی اس سلسلے میں تجویز کابینہ میں لائی جائے گی۔ڈاکٹر مشرا نے نامہ نگاروں کو بتایا کہ مدھیہ پردیش میں آن لائن گیمبلنگ اورگیمزپر پابندی لگانے کے حوالے سے مسودے کو حتمی شکل دے دی گئی ہے ۔ اس حوالے سے جلد کابینہ میں تجویز پیش کی جائے گی۔اس کے ساتھ ہی وزیر داخلہ نے کہا کہ وہ مجرمانہ سرگرمیوں کو روکنے کے لیے دیے گئے ‘ٹرپل ٹی’ ٹریس، ٹارگٹ، ٹرمینیٹ فارمولے کو سختی سے نافذ کرنے کے لیے جلد ہی افسران کے ساتھ میٹنگ کریں گی۔
