ایران نے حملہ کیا تو طاقت سے جواب دیں گے:امریکہواشنگٹن ۔22؍جون (ایجنسیز )امریکی وزیر دفاع نے کہا ہے کہ ہم نے واضح کرتے ہیں دنیا کو امریکہ کے صدر ٹرمپ کی بات سننا ہوگی۔ ہم نے ایران کا ایٹمی پروگرام مکمل تباہ کردیا اور اگر جوابی کارروائی ہوئی تو اس سے زیادہ طاقت سے جواب دیا جائے گا۔واشنگٹن میں امریکی وزیردفاع اورایئرفورس چیف نے مشترکہ میڈیا بریفنگ میں بتایا کہ امریکہ بار بارکہتا رہا کہ ایران کوجوہری ہتھیارحاصل کرنے نہیں دیں گے۔ اگر ایران نے حملہ کیا تو بھرپور اور گزشتہ رات سے زیادہ سخت جواب دیں گے۔ وزیردفاع نے کہا کہ امریکہ نے بات چیت کیلئے60 روز دیئے مگر تہران نے سنجیدگی کا مظاہرہ نہیں کیا۔اْن کا کہنا تھا کہ آپریشن میں شریک ہراہلکار نے بہترین کام کیا۔ امریکی آپریشن میں کسی ایرانی فوجی یا شہری کونقصان نہیں پہنچا صرف ایرانی جوہری تنصیبات پرحملے کیے گئے۔امریکی وزیردفاع نے کہا کہ بی ٹوبمبار نے تاریخ کا سب سے بڑاحملہ کیا ہے اور اس کو مڈ نائٹ ہیمر کا نام دیا گیا ہے اور یہ خفیہ مشن تھا۔اْن کا کہنا تھا کہ ایران کے جوہری عزائم خاک میں مل چکے ہیں۔ صدرٹرمپ امن چاہتے ہیں اور ایران کو ٹرمپ کی بات مان کر امن کے راستے پر چلنا ہوگا۔ ایران پرامریکی حملہ کا مقصد حکومت کی تبدیلی نہیں ہے۔امریکی وزیردفاع نے کہا کہ ایران پرحملے کومڈنائٹ ہیمرکانام دیاگیا۔امریکی جنرل ڈین کین نے بتایا کہ ایران پرامریکی حملہ انتہائی خفیہ مشن تھا صرف چند لوگ واقف تھے، ایران کے ہونے والے نقصانات کے حوالے سے ابھی تک ہمیں کوئی معلومات نہیں۔ ایران نے آپریشن کے دوران کسی قسم کی مزاحمت کی۔پینٹاگان حکام نے کہا کہ اصفہان کی جوہری تنصیب کوٹام ہاک میزائلوں سے نشانہ بنایا گیا، ایرانی ریڈار امریکی جہازوں کو پکڑنے میں ناکام رہے۔جبکہ ہم نے ایران کی تینوں ایٹمی سائٹس کو بھرپورنقصان پہنچایا ہے۔امریکی جنرل نے کہا کہ ہم امریکی فوج اورمشرق وسطیٰ میں امریکہ کامکمل تحفظ کریں گے۔
