سماج وادی پارٹی کے ریاستی صدر ابو عاصم اعظمی نے وزیر اعلی ادھو ٹھاکرے کے خلاف برہمی کا اظہار کرتے ہوئے کہا کہ ادھو ٹھاکرے وزیراعلیٰ ہیں اور ایوان میں بابری مسجد کے انہدام کے بارے میں بات کرتے ہیں۔انہوں نے کہا کہ بی جے پی کو روکنے کے لئے یہ حکومت تشکیل دی گئی تھی۔انہوں نے کہا کہ اب ہمیں آگے سوچنا ہوگا کہ آگے کیا کرنا ہے۔ایک قدم آگے بڑھتے ہوئے میں کہتا ہوں کہ وزیراعلیٰ نے کہا تھا کہ سی اے اے اور این آر سی کو یہاں پر نافذ نہیں ہونے دیں گے۔کانگریس،این سی پی مسلم ریزرویشن کی بات کررہی تھی لیکن ابھی تک مسلمانوں کو ریزرویشن نہیں دیا گیا۔میں مسلم لیڈروں سے مطالبہ کرتا ہوں کہ وہ شرم کریں اور اپنے عہدہ سے استعفیٰ دیں۔
