مہاراشٹر نونرمان سینا کے سربراہ راج ٹھاکرے نے گزشتہ روز ایک عوامی جلسے میں کہا تھا کہ مسجدوں سے لاؤڈ اسپیکر کو ہٹایا جائے بصورت دیگر وہ بھی مسجدوں کے سامنے تیز آواز میں لاؤڈ اسپیکر چلائیں گے۔ ان کے اس متازع بیان پر رکن اسمبلی اور سماجوادی پارٹی کے رہنما ابو عاصم اعظمی نے راج ٹھاکرے کو شیواجی مہاراج کو پڑھنے کی صلاح دی ہے۔ انہوں نے کہا کہ راج ٹھاکرے ریاست کا ماحول خراب کرنے کی کوشش کر رہے ہیں۔