ممبئی : نامور بالی ووڈ اداکار ابھیشیک بچن آج 47 برس کے ہو گئے ۔ 05 فروری 1976 کو ممبئی میں پیدا ہونے والے ابھیشیک کو اداکاری کا فن ورثہ میں ملا۔ ان کے والد امیتابھ بچن ایک اداکار ہیں جب کہ والدہ جیا بھادوری ایک معروف اداکارہ ہیں۔ابھیشیک بچن نے اپنے کیریئر کا آغاز سال 2000 میں جے پی دتہ کی فلم ریفیوجی سے کیا۔ اگرچہ یہ فلم ٹکٹ کھڑکی پر کوئی خاص کارنامہ نہ دکھا سکی لیکن ابھیشیک کی اداکاری کو ضرور پسند کیا گیا۔ اس کے بعد ابھیشیک نے تیرا جادو چل گیا، ڈھائی اکشر پریم کے ، بس اتنا سا خواب ہے ، ہاں میں نے بھی پیار کیا ہے ، شرارت، ممبئی سے آیا میرا دوست، میں پریم کی دیوانی ہوں، اوم جئے جگدیش، ایل او سی کارگل، کچھ نہ کہو جیسی فلموں میں کام کیا، لیکن ان میں سے کوئی بھی فلم ٹکٹ کھڑکی پر کامیاب نہیں ہوئی۔
