واشنگٹن۔ 23 جنوری (سیاست ڈاٹ کام) امریکی محکمہ انٹیلی جنس (آئی سی) نے کہا ہے کہ وہ اتحادیوں کے ساتھ انٹیلی جنس اطلاعات کا تبادلہ کرکے اپنی انٹیلی جنس حکمت عملی کو مضبوط کرے گا۔اس سلسلے میں منگل کو جاری خفیہ پالیسی 2019 کے دستاویز میں کہا گیا ‘‘انٹیلی جنس کا تبادلہ ہماری قومی سلامتی کی پالیسی کی بنیادی ضرورت ہے ۔ ہماری اجتماعی صلاحیتوں، اعداد و شمار، مہارت اور انتباہات کے فوائد کو مؤثر طور پر نافذ کرنے کے سے ، ہمارے اتحادیوں کو کئی گنا زائد فائدہ ہوگا۔ آئی سی موجودہ اتحادیوں میں اصلاحات کرے گا اور انٹیلی جنس کو بڑھانے اور فیصلے کے بارے میں معلومات دینے کے لئے بھی نئے تعلقات پیدا کرے گا۔دستاویز میں کہا گیا ہے کہ امریکی خفیہ محکمہ اپنی کارکردگی کا معیار کو فروغ دینے اور عوامی اعتماد کو بڑھانے کے لئے خود کو نئی تکنیکوں سے لیس کرے گا۔قابل ذکر ہے کہ نیشنل انٹیلی جنس حکمت عملی خفیہ محکمہ کے ڈائرکٹرکی طرف سے ہر چار سال میں جاری ہونے والا دستاویز ہے ۔
