ابوظہبی : ماہرین کا کہنا ہے کہ متحدہ عرب امارات کا قومی ریل نیٹ ورک اتحاد ریل نہ صرف نقل و حمل کے سیکٹر کو بہتر کرے گا بلکہ ملک کے ریئل سٹیٹ سیکٹر کو بھی مضبوط کرے گا۔عرب نیوز نے چہارشنبہ کو زوم پراپرٹی انسائیڈز کا حوالہ دیتے ہوئے بتایا ہے کہ 1200 کلومیٹر کا یہ منصوبہ سات امارات کے درمیان فاصلہ ختم کرے گا اور متحدہ عرب امارات کے رہائشیوں کے سفر میں آسانی پیدا کرے گا۔بیان کے مطابق یہ منصوبہ جو سات امارات کے 11 بڑے شہروں کو جوڑے گا، توقع ہے کہ چھ کروڑ ٹن سے زیادہ مال بردار اور تین کروڑ 65 لاکھ مسافر لے کر جائے گا۔مسافروں کو ابوظبی سے دبئی کا سفر کرنے میں 50 منٹ لگیں گے جبکہ ابوظبی سے فجیرہ جانے میں 100 منٹ لگیں گے۔زوم پراپرٹی کے سی ای او عطا شبیری کے مطابق اتحاد ریل کے ملک کے لیے متعدد فوائد ہوں گے۔
