کانگریس نے اترپردیش حکومت پر الزام عائد کیا ہے کہ وہ ریاست میں کورونا سے ہونے والی اموات کے اعدادوشمار کو چھپا رہی ہے۔ منگل کو کانگریس نے ایک پریس کانفرنس کی اور الزام لگایا کہ مرکزی حکومت اور کچھ ریاستی حکومتیں اموات کے اعدادوشمار کو چھپا رہی ہیں۔ پارٹی کی ترجمان سوپریہ سرینیٹ نے کہا کہ حکومتی اعدادوشمار کے مطابق لکھنؤ میں کورونا انفیکشن کی وجہ سے 2،268 اموات ہوچکی ہیں لیکن پچھلے ڈیڑھ ماہ یعنی1 اپریل سے 15مئی تک کے اعداد و شمار نے کچھ اور حقیقت کو ظاہر کیا ہے۔جب15 فروری سے 31 مارچ تک کے اعداد و شمار کا موازنہ کیا جائے تو 2،000 ہزار اضافی ڈیتھ سرٹیفکیٹ جاری کردیئے گئے ہیں۔کانگریس کا الزام ہے کہ سرکاری اعداد و شمار کے مطابق 1 اپریل سے 15 مئی تک 7،890 موت کے سرٹیفکیٹ جاری کیے گئے ہیں جبکہ 15 فروری سے 31مارچ تک 5،970 موت کے سرٹیفکیٹ جاری کردیئے گئے۔یعنی یکم اپریل سے پندرہ مئی تک لکھنؤ میں دو ہزار اضافی ڈیتھ سرٹیفکیٹ جاری کیے گئے ت لیکن حکومت اس دو ہزار اضافی ڈیتھ سرٹیفکیٹ کو کورونا سے ہونے والی موت نہیں سمجھ رہی ہے۔کانگریس نے یوپی حکومت سے پوچھا کہ لکھنؤ میں موت کے اعدادوشمار کیوں چھپائے جارہے ہیں۔
