اترپردیش میں اسمبلی انتخابات کی تیاریاں زوروں پر

   

لکہنؤ:ملک کی سب سے بڑی ریاست اترپردیش میں سال 2022 اسمبلی انتخابات کے پیشِ نظر الیکشن کمیشن آف انڈیا نے پولنگ بوتھ کی زمرہ بندی کے لئے شیڈول کا اعلان کرکے اپنی تیاریاں شروع کردی ہیں ،نئے پولنگ بوتھ اور پولنگ سینٹرس کے ناموں کے ترتیب دینے کا آغاز 17 اگست سے ہوگا ،اور اس پر تمام سیاسی پارٹیوں اور دیگر سے اعتراض لینے کے بعد پولنگ بوتھ کی حتمی لسٹ 23 اگست کو جاری کی جائے گی ،ڈی دیم پولنگ بوتھ کے سلسلے میں تمام شکایت کا تصفیہ 7 ستمبر تک کریں گے اور اس کے بعد اپنی فائنل لسٹ الیکشن کمیشن آف انڈیا کے پاس 20 ستمبر تک جمع کریں گے۔