اتر پردیش کے ضلع مظفر نگر میں منعقد ایک پریس کانفرنس میں تین گھنٹے کی دیری سے پہنچے اترپردیش کے سابق وزیر اعلی اکھلیش یادو نے کہا کہ اس اترپردیش سے بی جے پی کا صفایا ہوگا،انہوں نے کہا کہ جس طرح سے بی جے پی کے رکن اسمبلی کو عوام گاؤں میں داخل نہیں ہونے دے رہے ہیں، گاؤں سے بھگائے جا رہے ہیں، دوڑائے جا رہے ہیں، کوٹے جا رہے ہیں۔ یہ عوامی غصہ ہے جو ووٹوں میں تبدیل ہو کر سماج وادی پارٹی کو ایک تاریخی جیت دلائے گا۔