ممبئی: بالی ووڈ کے سنگھم اسٹار اجے دیوگن کی فلم ریڈ 2 نے پہلے ہفتے میں ہندوستانی مارکیٹ میں 90 کروڑ روپے کی کمائی کی ہے ۔ فلم ریڈ 2 میں اجے دیوگن مرکزی کردار ادا کر رہے ہیں۔ راجکمار گپتا کی ہدایت کاری میں بننے والی یہ فلم 2018 کی فلم ریڈ کا سیکوئل ہے ۔ فلم ریڈ 2 میں اجے دیوگن، رتیش دیش مکھ، وانی کپور، رجت کپور، سپریا پاٹھک، امت سیال اور دیگر بھی شامل ہیں۔ اس فلم کی کہانی انکم ٹیکس افسر امے پٹنائک (اجے دیوگن) کے دادا بھائی (رتیش دیش مکھ) نامی شخص کی بدعنوانی کو روکنے پر مرکوز ہے ۔ٹریڈ ویب سائٹ سیکنلک کی رپورٹ کے مطابق فلم ‘ریڈ 2’ نے پہلے دن ہندوستانی مارکیٹ میں 19.25 کروڑ روپے کمائے ۔ فلم نے دوسرے دن 12 کروڑ، تیسرے دن 18 کروڑ، چوتھے دن 22 کروڑ، پانچویں دن 7.5 کروڑ اور چھٹے دن 7 کروڑ کی کمائی کی۔
