احمد آباد ۔آسٹریلیا کے ہندوستان روانہ ہونے سے پہلے سیریز کی پچوں کے بارے میں بحث شروع ہوگئی تھی اور یہ اب بھی جاری ہے کیونکہ دونوں ٹیمیں چوتھے اورآخری ٹسٹ کی تیاری کررہی ہیں، جو جمعرات سے یہاں شروع ہوگا۔ ہندوستان سیریز میں 2-1 سے آگے ہے اور اسے ڈبلیو ٹی سی فائنل میں جگہ بنانے کے لیے چوتھا ٹسٹ جیتنا ہوگا جب کہ آسٹریلیا 2-2 سے سیریز ختم کرنے کے لیے میچ جیت کر بہت فخر کے ساتھ وطن واپس جانا چاہے گا۔ دونوں ٹیموں کے لیے بہت کچھ داؤ پر لگا کر، یہاں کے نریندر مودی اسٹیڈیم میں چوتھے ٹسٹ کی پچ اس وقت توجہ کا مرکز بنی ہوئی ہے ۔ ہندوستان کے ہیڈ کوچ راہول ڈراویڈ میچ سے قبل پریس کانفرنس کے لیے آئے اور کہا کہ ہر پچ ایک امتحان ہوتی ہے ۔ ہندوستانی کوچ اس وقت حیران رہ گئے جب بتایا گیا کہ کیوریٹر نے دو پچوںکو ڈھانپ کر رکھا ہے اور کہا کہ انہیں نہیں معلوم کہ ایسا کیوں ہے۔ ڈراویڈ نے کہا ہے کہ مجھے نہیں معلوم کہ دو پچ کیوں ڈھکی ہوئی ہیں۔ میں نے اس کے بارے میں کبھی نہیں پوچھا کہ اس نے دوسری کو کیوں ڈھانپ دیا، لیکن مجھے نہیں معلوم کہ وہ کیا ہے ۔ ڈراویڈ نے کہا کہ ان کی صرف اس پچ پر نظر ہے جو ٹسٹ کے لیے استعمال کی جائے گی۔
