احمد آباد ۔ /25 اپریل(سیاست ڈاٹ کام) گجرات میں کورونا وائرس کے بدترین متاثرہ شہر احمد آباد میں 48 وارڈس کے منجملہ 6 میں کوئی دوکانات کھولنے کی اجازت ہنوز نہیں دی گئی ہے ۔ یہ شہر کووڈ۔ 19 وباء پر قابو پانے کیلئے بنائے گئے کنٹیمنٹ زونس میں شامل ہے ۔ بلدی عہدیداروں نے آج کہا کہ مرکز نے ملک گیر لاک ڈاؤن کے دوران اتوار /26 اپریل سے بعض دوکانات کو کھولنے کی اجازت دی ہے ۔ تاہم احمد آباد میں بالخصوص 6 وارڈس میں ایسی اجازت ہرگز نہیں دی جاسکتی ۔ احمد آباد میونسپل کمشنر وجئے نہرا نے کہا کہ شہر میں کورونا کے متاثرین ہر 8 روز میں دوگنے ہورہے ہیں اور اس شرح پر مریضوں کی تعداد /15 مئی تک تقریباً 10 ہزار تک پہونچ سکتی ہے ۔ جسے روکنا ہوگا ۔
