چینائی : معروف اداکار تھلاپتی وجے نے رمضان المبارک کے موقع پر چینائی میں ایک بڑی افطار تقریب کا اہتمام کیا جس میں ہزاروں افراد شریک ہوئے میڈیا رپورٹس کے مطابق، حال ہی میں تھلاپتی وجے نے اپنی سیاسی جماعت تامیلاگا ویٹری کازگام تشکیل دی ہے اس جماعت کی جانب سے چینائی میں افطار کا اہتمام کیا گیا جہاں اداکار خود بھی موجود رہے تقریب کے دوران وجے نے روایتی لباس زیب تن کر رکھا تھا اور سر پر ٹوپی بھی پہنی ہوئی تھی افطار تقریب میں قرآن پاک کی تلاوت کی گئی اور خصوصی دعائیں بھی مانگی گئیں جبکہ تھلاپتی وجے نے مسلمانوں کے ساتھ روزہ افطار کیا حیران کن طور پر عیسائی مذہب سے تعلق رکھنے والے اداکار نے باجماعت نماز مغرب میں بھی شرکت کی، جس کی ویڈیوز اور تصاویر سوشل میڈیا پر تیزی سے وائرل ہو رہی ہیں یاد رہے کہ تھلاپتی وجے سب سے زیادہ معاوضہ لینے والے اداکاروں میں شمار ہوتے ہیں اور حالیہ اطلاعات کے مطابق انہوں نے ایک فلم کے لیے 275 کروڑ روپے معاوضہ وصول کیا ہے۔
