نئی دہلی: ممبئی میں منعقدہ بی جے پی لیڈروں کی ایک میٹنگ میں مرکزی وزیر داخلہ اور پارٹی کے چیف اسٹریٹجسٹ امت شاہ نے کہا کہ ریاست کے سابق وزیر اعلیٰ ادھو ٹھاکرے نے بی جے پی کو دھوکہ دیا ہے، اس لیے انہیں سبق سکھانے کی ضرورت ہے اگر ذرائع کی مانیں تو شاہ نے پارٹی لیڈروں کی میٹنگ میں کہا، ہم سیاست میں سب کچھ برداشت کر سکتے ہیں لیکن دھوکہ نہیں ذرائع کے مطابق شاہ نے سابق وزیر اعلیٰ پر الزام لگایا کہ وہ ان کی پارٹی میں ٹوٹ پھوٹ اور اس کے بعد ہونے والے دیگر واقعات کے ذمہ دار ہیں۔ ان کے ‘لالچ’ کی وجہ سے پارٹی ان کے خلاف ہو گئی۔ یہ کہہ کر انہوں نے ان تمام الزامات کو ختم کرنے کی کوشش کی جن میں کہا گیا ہے کہ مہاراشٹر میں ایکناتھ شندے کی بغاوت اور اقتدار میں بی جے پی کا ہاتھ ہے شاہ نے کہا، ادھو ٹھاکرے نے نہ صرف بی جے پی کو دھوکہ دیا ہے، بلکہ شیو سینا کے نظریے کو بھی دھوکہ دیا ہے اور مہاراشٹر کے عوام کے مینڈیٹ کی بھی توہین کی ہے یہ اقتدار کے لالچ کی وجہ سے ٹوٹا ہے۔ بی جے پی کی وجہ سے نہیں شاہ نے کہا، آج میں دوبارہ کہنا چاہتا ہوں کہ ہم نے ادھو ٹھاکرے سے کبھی بھی وزیر اعلیٰ کے عہدے کا وعدہ نہیں کیا تھا۔ ہم وہ لوگ ہیں جو کھل کر سیاست کرتے ہیں، بند کمروں میں نہیں۔
