ممبئی، 9 اگست (ایجنسیز) ناموربالی ووڈ اداکارہ ادیتی راؤ حیدری کو انڈین فلم فیسٹیول آف ملبورن (آئی ایف ایف ایم) 2025 میں ’ڈائیورسٹی اِن سنیما ایوارڈ‘ سے نوازا جائے گا۔ ادیتی راؤ آئی ایف ایف ایم 2025ء میں شرکت کرنے جا رہی ہیں۔ ادیتی ایسی فنکار ہیں جنہوں نے ہر پلیٹ فارم اور میڈیم پر اپنی اداکاری سے مخصوص پہچان بنائی ہے، چاہے وہ مین اسٹریم ہویاآزاد سنیما، او ٹی ٹی ہو یا تھیٹر، اور ہندی کے علاوہ انہوں نے تمل، تلگو جیسی زبانوں میں بھی بہت سے شاندار کردار ادا کئے ہیں۔ ان کی کثیر جہتی شراکت کو سراہتے ہوئے انہیں ’ڈائیورسٹی اِن سنیما ایوارڈ‘ سے نوازا جائے گا۔ ادیتی راؤ حیدری نے اس موقع پر کہا کہ ملبورن کے اس خصوصی فلم فیسٹیول میں مہمان خصوصی بننا اور ’ڈائیور سٹی اِن سنیما ایوارڈ‘ حاصل کرنامیرے لئے بڑے فخر اور اعزاز کی بات ہے۔
