بیونس آئرس : ارجنٹینا میں طوفانی ہواؤں نے مسافر طیارہ کو گھما کر رکھ دیا۔ غیر ملکی میڈیا کے مطابق ایئرپورٹ پر کھڑے طیارہ کو طوفانی ہواؤں نیگھما دیا، اس دوران طیارہ کا ایک حصہ بورڈنگ کے لیے استعمال ہونے والی سیڑھیوں سے بھی ٹکرایا۔ غیرملکی میڈیا کے مطابق ایئرپورٹ کے اطراف 150 کلومیٹر فی گھنٹہ کی رفتار سے ہوائیں چل رہی تھیں اور اس واقعہ میں کوئی بڑا نقصان نہیں ہوا۔ علاوہ ازیں ارجنٹینا اور اس کے پڑوسی ملک یوروگوائے میں ہفتہ کے روز آنے والے طاقتور طوفان کے باعث بارشوں اور طوفانی ہواؤں سے مختلف حادثات میں ہلاک ہونے والوں کی تعداد 16 ہو گئی ہے۔
