برسلز : ترکی کے صدر رجب طیب اردغان ناٹوہنگامی سربراہی اجلاس میں شرکت اور اجلاس کے دائرہ کار میں دو طرفہ ملاقاتوں کے لئے بلجیم کے دارالحکومت برسلز پہنچ گئے ہیں۔برسلز میں ناٹوسربراہی اجلاس کے دائرہ کار میں صدر اردغان نے دو طرفہ ملاقاتوں کا آغاز کر دیا ہے۔سب سے پہلے انہوں نے فرانس کے صدر امانوئیل میکرون کے ساتھ ملاقات کی۔بند کمرے کی یہ ملاقات ناٹوہیڈ کوارٹر میں طے پائی۔تاہم ناٹوسربراہی اجلاس میں 24 فروری سے جاری روس۔یوکرین جنگ پر بات چیت کی جائے گی اور ناٹوکی جارحانہ و دفاعی ساخت کو مضبوط بنانے کے لئے تدابیر پر نظرثانی کی جائے گا۔
