انقرہ: ترک صدر طیب اردغان اپنے امریکی ہم منصب سے ملاقات کے فوری بعد موسمیاتی تبدیلی پر ہونے والی اقوام متحدہ کی کانفرنس میں شرکت کو منسوخ کرکے وطن واپس چلے گئے۔عالمی خبر رساں ادارے کے مطابق ترک صدر طیب اردغان ’’جی 20 اجلاس‘‘ میں شرکت کے لیے اپنی اہلیہ سمیت اعلیٰ حکام کے ہمراہ روم پہنچے تھے جہاں ترک صدر نے اپنے امریکی ہم منصب سے ملاقات کی تھی تاہم دونوں قائدین کے درمیان ملاقات بے نتیجہ ثابت ہوئی۔ ایف 16 جنگی طیاروں کی فراہمی اور امریکی سفارت کاروں کو ملک بدر کرنے کی دھمکی کے معاملات بھی تبادلہ خیال کیا گیا لیکن کوئی حل نہیں نکل سکا۔اس کے بعد ترک صدر نے طیب اردغان گلاسکو میں اقوام متحدہ کی عالمی ماحولیاتی کانفرنس COP26 میں شرکت طے تھی تاہم ترک صدر اپنے وفد کے ہمراہ کانفرنس میں شرکت کے بجائے اپنے ملک واپس لوٹ گئے۔ترکی کی جانب سے موسمیاتی تبدیلی سے متعلق اہم کانفرنس میں شرکت کو منسوخ کرکے واپس وطن لوٹ جانے کی وجہ نہیں بتائی گئی ہے۔