گزشتہ روز روس کے شہر سوچی میں دونوں قائدین کی طویل ملاقات کا بالآخر مثبت نتیجہ برآمد
ماسکو ؍ انقرہ ۔ صدر اردغان اور صدر پوتن کے درمیان ہونے والی بات چیت کے بارے میں جاری کردہ مشترکہ بیان میں مختلف شعبوں میں تعاون کو جاری رکھنے کے عزم کا اظہار کیا گیا ہے ۔ صدر رجب طیب اردغان اور ان کے روسی ہم منصب ولادیمیر پوتن نے شام میں تمام دہشت گرد تنظیموں کے خلاف جنگ میں یکجہتی اور ہم آہنگی کے ساتھ کام کرنے کے عزم کی تصدیق کی ہے۔ روس کے شہر سوچی میں دونوں قائدین کی ملاقات 4 گھنٹے جاری رہی۔ صدر اردغان اورصدر پوتن کے درمیان ہونے والی بات چیت کے بارے میں جاری کردہ مشترکہ بیان میں مختلف شعبوں میں تعاون کو جاری رکھنے کے عزم کا اظہار کیا گیا ہے۔ علاقائی اور بین الاقوامی استحکام کے قیام کے لیے ترکی اور روس کے درمیان مخلصانہ، صاف گوئی اور اعتماد پر مبنی تعلقات کی اہمیت کی طرف اشارہ کرتے ہوئے بیان میں کہا گیا ہے کہ دونوں قائدین نے شام میں تمام دہشت گرد تنظیموں کے خلاف جنگ میں یکجہتی اور ہم آہنگی کے ساتھ کام کرنے کے اپنے عزم کا اعادہ کیا۔ دونوں قائدین نے دونوں ممالک کے درمیان تعمیری تعلقات نے یوکرین سے اناج اور خوراک کی نقل و حمل سے متعلق استنبول معاہدہ تک پہنچنے میں اہم کردار اداکرنے کی تصدیق کی ہے۔
