انقرہ : ترکی کے صدر رجب طیب اردغان نے کہا ہے کہ فروری میں متحدہ عرب امارات کے دورہ کا منصوبہ ہے کیونکہ دونوں ملک برسوں کے کشیدہ تعلقات کو پس پشت ڈالنے کیلیے آگے بڑھ رہے ہیں۔یاد رہے کہ ابوظہبی کے ولیعہد نے گزشتہ ہفتہ انقرہ کا دورہ کیا تھا جو 2012 کے بعد ترکی کا پہلا دورہ تھا۔ اس دورے میں ترکی اور متحدہ عرب امارات کے درمیان صدر طیب رجب اردغان اور ابوظہبی کے ولیعہد شیخ محمد بن زاید النھیان کی موجود گی میں چہارشنبہ کو انقرہ میں کئی معاہدے ہوئے تھے۔اماراتی خبر رساں ادارے وام کے مطابق امارات نے ترکی میں سرمایہ کاری کے فروغ کے لیے دس ارب ڈالر مالیت سے فنڈ قائم کرنے کا اعلان کیا تھا۔ابوظہبی کے ولیعہد شیخ محمد بن زاید کا کنہا تھا کہ’ ترک صدر سے ملاقات میں مفید مذاکرات کیے۔ اقتصادی تعلقات کو فروغ دینے کے امکانات پر زور دیا گیا‘۔
