عمان: اردن کا فوجی طیارہ ملک کے شمالی علاقے میں تربیتی مشق کے دوران گر کر تباہ ہوگیا، جس کے نتیجے میں طیارے میں سوار دونوں پائلٹ جاں بحق ہو گئے۔حکام نے تصدیق کی ہے کہ اتوار کے روز حادثے کا شکار ہونے والا طیارہ فنی خرابی کی وجہ سے شمالی علاقے رمثا میں ایک خالی جگہ پر گر کر تباہ ہوگیا۔حادثہ صبح 9 بجے کے وقت پیش آیا ، جس میں پائلٹ بلال مشہور احمد الشوفین اور کیپٹن پائلٹ بہا محمد مصطفی ابوغنمی موقع پر جاں بحق ہو گئے۔
