عمان : اردن کے ساتھ واقع فلسطینی مغربی کناریکی سرحد پر فائرنگ کا واقعہ پیش آیا جس میں 3 اسرائیلی شہری ہلاک ہوگئے۔ عرب میڈیا کی خبر کے مطابق ایک ٹرک سوار حملہ آور مغربی کنارے پر ملنے والی سرحد ایلنبی برج کراسنگ سے داخل ہوا اور فائرنگ کردی جس کے نتیجہ میں 3 اسرائیلی شہری ہلاک ہوگئے۔ اسرائیلی حکام نے بھی فائرنگ کے واقعہ میں 3 افراد کی ہلاکت کی تصدیق کرتے ہوئے کہا کہ اسرائیلی فورسز کی جوابی فائرنگ میں مسلح شخص بھی ہلاک ہوگیا۔ دوسری جانب اردنی وزارت داخلہ کا کہنا ہے کہ کنگ حسین کراسنگ پر فائرنگ واقعہ کی تحقیقات شروع کردی ہیں اور اردن سرحد پر قائم کنگ حسین پل بھی آمدورفت کے لیے بند کر دیا ہے۔
