حیدرآباد ۔ آئندہ تیس اور اکتیس اکتوبر کو مولانا آزاد نیشنل اردو یونیورسٹی میں اردو کے معروف شاعر و صحافی پنڈت ہری چند اختر پر دو روزہ قومی سمینار کا انعقاد کیا جارہا ہے۔ آئیڈیا کمیو نی کیشنز اور مجلس فخر بحرین کے زیر اہتمام معروف مرکزی یونیورسٹی مانو کے اشتراک سے منعقد اس سمینار میں ملک بھر سے مختلف یونیورسٹیوں اور اداروں کے پروفیسرس، اسکالرس اور اردو و ہندی کی معروف ہستیاں اپنے مقالات پیش کریں گی جن میں پروفیسر شافع قدوائی(اے ایم یو)، پروفیسر خواجہ اکرام الدین (جے این یو)، پروفیسر جتیندر سریواستو (اگنو)، پروفیسر نسیم الدین فریس (مانو)،پروفیسر آر ایس سراجو( سنٹرل یونیورسٹی آف حیدرآباد)، پروفیسر فاروق بخشی (مانو)، ڈاکٹر کرن سنگھ اٹوال(مانو)، ڈاکٹر ابھیشیک روشن( ایف ایف ایل یو)، ڈاکٹر عقیل احمد (غالب اکیڈمی دہلی)، سہیل انجم (وائس آف امریکہ) ڈاکٹر محمد اختر (بی ایچ یو)، ڈاکٹر خالد مبشر (جامعہ ملیہ) محترمہ شائستہ یوسف (بزم نسواں، بنگلور) اور دیگر اہم شخصیات شامل ہیں۔ یہ اطلاع آئیڈیا کے ڈائرکٹر آصف اعظمی نے دیتے ہوئے کہا کہ یہ سمینار اردو کے سچے خادموں کا جشن منانے کے علاوہ ان کی حیات و خدمات کو معنون ہندوستان میں سمینار اور بحرین میں مشاعرہ کے انعقاد کے سلسلہ کا ایک حصہ ہے، جس کے تحت فراق، چکبست، آنند نارائن ملا، شہریار،عرفان صدیقی، خلیل الرحمان اعظمی اور مجروح سلطانپوری کا جشن منایا جا چکا ہےاور ضخیم کتابیں شائع کی جا چکی ہیں۔ سمینار کے کنوینر معروف ادبی شخصیت اور مانو میں چیف کنسلٹنٹ انیس اعظمی ہیں۔ اس سمینار میں شرکت کے خواہش مند حضرات درج ذیل ای میل و فون پر رابطہ کرکے رجسٹریشن کرسکتے ہیں۔ تمام رجسٹرڈ شرکاء کو سرٹیفکیٹ آف پارٹسپیشن دیا جایے گا اور والنٹریس کے لیے رجسٹر کرنے والوں آرگنائزر کا سرٹیکفکٹ دیا جایے گا۔ ڈاکٹر فیروز عالم (موبائل 9494440782) حبیب احمد( موبائل 9990920365) ای میل Ideacommunications@hotmail.com