حیدرآباد۔/8 مارچ، ( سیاست نیوز) مولانا آزاد نیشنل اردو یونیورسٹی ماڈل اسکول حیدرآباد، دربھنگہ اور نوح ( میوات ) میں تعلیمی سال 2023-24 کے تحت اردو میڈیم میں داخلوں کا آغاز ہوچکا ہے۔ سی بی ایس سی سے ملحقہ ماڈل اسکول حیدرآباد، دربھنگہ میں پہلی تا نویں اور گیارہویں جماعت جبکہ ماڈل اسکول میوات میں پہلی تا نویں جماعت داخلے دیئے جارہے ہیں۔ ڈاکٹر کفیل احمد پرنسپل مانو ماڈل اسکول حیدرآباد کے بموجب تمام اسکولوں میں جماعت اول میں داخلہ کیلئے فارم داخل کرنے کی آخری تاریخ 24 مارچ ہے جبکہ دوسری تا نہم داخلوں کا یکم اپریل کو آغاز ہوگا اور 13 اپریل تک داخلہ فارم جمع کئے جاسکتے ہیں۔ حیدرآباد اور دربھنگہ میں گیارہویں جماعت میں داخلے دسویں کے نتائج کے بعد شروع ہوں گے۔ داخلہ کے خواہشمند درخواست فارم اردو یونیورسٹی کی ویب سائیٹ سے ڈاون لوڈ کرسکتے ہیں۔ تکمیل شدہ فارم 20 روپئے رجسٹریشن فیس کے ساتھ متعلقہ اسکول میں داخل کئے جائیں۔ ر
