نئی دہلی 13 جولائی (ایجنسیز)پاکستان کے اولمپک گولڈ میڈلسٹ جیولین تھرور ارشد ندیم اور ہندوستان کے نیرج چوپڑا ایک سال بعد اگلے ماہ پھر آمنے سامنے آئیں گے۔دونوں کھلاڑی پولینڈ میں ہونیوالی ڈائمنڈ لیگ میں ایکشن میں ہوں گے۔ پیرس اولمپکس کے بعد دونوں کے درمیان 16 اگست 2025 کو پہلا مقابلہ ہوگا۔گزشتہ برس پیرس اولمپکس میں پاکستان کے ارشد ندیم نے اولمپک گولڈ میڈل جیتا تھا۔ارشد ندیم پولینڈ میں ڈائمنڈ لیگ کے بعد اگست کے آخر میں سوئٹزرلینڈ میں بھی ڈائمنڈ لیگ کھیلیں گے۔زیورخ میں 27 اگست کو ہونے والے مقابلے میں نیرج اور ارشد کے درمیان معرکہ آرائی کا امکان ہے۔
