استنبول: ترکی میں ’’ارطغرل غازی ‘‘کے شہر ’’سوگت ‘‘سے اربوں ڈالر مالیتی کئی ٹن سونے کے ذخائر دریافت ہوئے ہیں۔ترکی کے زرعی شعبے اور کریڈٹ کارپوریٹیوز کے سربراہ فہراتین پوئراز نے تصدیق کی ہے کہ وسط مغربی ترکی کے علاقے سوگت سے تقریبا 100 ٹن سونے کے ذخائر دریافت ہوئے ہیں۔انہوں نے کہا کہ سونے کی مقدار کا اندازہ 35 لاکھ اونس یعنی 99 ٹن لگایا گیا ہے اور اس کی قیمت 6 ارب ڈالر سے زائد بنتی ہے۔ آئندہ دو برس میں ان ذخائر سے حاصل کیا گیا سونا ترکی کی معیشت کا حصہ بننا شروع ہوجائے گا۔دلچسپ بات یہ ہے کہ عظیم الشان ’’خلافت عثمانیہ‘‘ کے بانی عثمان غازی کے والد ارطغرل غازی نے موجودہ ترکی کے بیلیجک صوبے کے اس علاقے سوگت میں کائی قبیلے کی ایک شاخ کو منظم کرکے ریاست کی بنیاد رکھی تھی۔
