ممبئی: بالی وڈ کی مشہور اداکارہ اور سیاست دان اُرمِیلا ماتونڈکر نے ہندی فلموں کے علاوہ، تیلگو، تمل، ملیالم اور مراٹھی سنیما میں بھی اداکاری کے جوہر دکھا کر اپنی ایک مخصوص شناخت قائم کی۔ ان کی پیدائش 4 فروری 1974ء کو ممبئی میں ہوئی۔ ان کے والد شریکانت ماتونڈکر اور والدہ سنیتا ماتوندکر ہیں ۔ انہوں نے محض تین سال کی عمر میں 1977 میں فلم ’کرم‘ سے چائلڈ آرٹسٹ کے طور پر ڈیبیو کیا تھا۔ 983 میں ریلیز ہوئی فلم معصوم سے انہیں ایک پہچان ملی۔ اس میں ان پر فلمایا گیا گانا ‘لکڑی کی کاٹھی، کاٹھی پے گھوڑا‘ آج بھی سنا جاتا ہے ۔ بالی ووڈ میں “چھما چھما “اور “رنگیلا “گرل کے نام سے مشہور ارمیلا ماتونڈکر کی بطور اداکارہ پہلی ہندی فلم نرسمہا 1991 میں ریلیز ہوئی تھی۔ انہوں نے 2019 کے لوک سبھا الیکشن سے قبل سیاست میں قدم رکھا اور کانگریس پارٹی کے ٹکٹ پر قسمت آزمائی کی، لیکن انہیں شکست کامنہ دیکھنا پڑا۔ بعد ازاں انہوں نے پارٹی سے استعفیٰ دے کر شیو سینا کا دامن تھام لیا۔ آج کل وہ فلموں سے دور ہیں۔