ارنب گوسوامی و ان کی اہلیہ پر حملہ

,

   

ممبئی: ریپبلک ٹی وی ایڈیٹر ان چیف ارنب گوسوامی اور ان کی اہلیہ پر دو نامعلوم افراد کی جانب سے مبینہ طور پر حملہ کیا گیا جب وہ دونوں ٹی وی کے دفتر سے بذریعہ کاراپنے گھر واپس ہورہے تھے۔ یہ واقعہ چہارشنبہ و جمعرات کی شب پیش آیا۔ ارنب گوسوامی نے ٹوئٹر پر یہ بات بتائی۔ انہوں نے بتایا کہ وہ روز کی طرح اپنے ریپبلک ٹی وی کے دفتر سے 10 بجے شب اپنی بیوی کے ساتھ گھر جانے کیلئے نکلے۔

راستہ میں ان پر دو نامعلوم افراد موٹر سیکل پر سوار نے ان کی کار کو اوور ٹیک کیا او رانہیں گاڑی روکنے کیلئے کہا۔ جیسے ہی انہوں نے کار روکی۔ بائیک سوار نے ان کی کار کے دورازہ کے شیشہ کو ہاتھ سے زور زور سے مارنے لگا۔ ایسا لگ رہا تھا کہ وہ شیشہ کو توڑ دیں گے۔ اس کے بعد ان افراد نے ان کا کار پر سیاہ رنگ پھینک دی اور وہاں سے بھاگ گئے۔

این ایم جوشی مارگ پولیس اسٹیشن عملہ فورا ہی وہاں پہنچ گیا او رمعاملہ کی تحقیقات شروع کردی۔ ارنب گوسوامی نے الزام عائد کیا کہ حرکت کانگریس پارٹی کے کاکنوں کی ہوسکتی ہے۔