ریاض: سعودی عرب کے شاہ سلمان بن عبدالعزیز کی ہدایت پرجڑے ہوئے اریٹیرین بچے اپنے اہل خانہ کے ہمراہ اتوار17 دسمبر کو فضائی ایمبولینس کے ذریعے ریاض انٹرنیشنل ایئرپورٹ پہنچے ہیں۔جڑے ہوئے بچوں اسما اور سمیہ کو پیچیدہ آپریشن کیلئے وزارت نیشنل گارڈز کے ماتحت کنگ عبداللہ اسپیشلسٹ ہاسپٹل منتقل کیا گیا۔ میڈیا کے مطابق کنگ عبداللہ اسپیشلسٹ ہاسپٹل کی میڈیکل ٹیم دونوں بچوں کا طبی معائنہ اورعلیحدہ کرنے کے آپریشن کی کامیابی کے امکانات کا جائزہ لے گی۔ یہ آپریشن شاہ سلمان مرکز امداد وانسانی خدمات کے سربراہ ڈاکٹر عبداللہ الربیعہ کی زیر نگرانی کیا جائے گا۔ڈاکٹر عبداللہ الربیعہ کا کہنا ہے کہ ’ یہ اقدام سعودی عرب کی انسانیت نواز پالیسی کاعکاس ہے جو پوری دنیا تک پہنچ گئی ہے‘۔
