غزہ : غزہ میں شہریوں کے بنیادی حقوق اور تحفظ کے لیے سرگرم عمل ’غزہ سیول ڈیفنس ایجنسی‘نے آج اسرائیلی بمباری کے نتیجے میں دو ڈاکٹروں کی شہادت کی اطلاع دی۔ اسرائیلی فوج نے تازہ بمباری دیرالبلاح کے مرکزی علاقہ میں کی ہے ۔ بتایا گیا ہے کہ غزہ میں ایک سینئیر فلسطینی ڈاکٹر محمد نمربمباری کے دوران اپنے ڈاکٹر بیٹے سمیت جاں بحق ہو گئے ہیں۔کسی ہاسپٹل سے باہر اسرائیلی حملے کا نشانہ بن کر دو ڈکٹروں کی ہلاکت کا یہ واقعہ اس لیے منفرد ہیکہ دونوں ڈاکٹر بھی تھے اور باپ بیٹا بھی تھے اور دونوں ایک ہی روز ایک ہی بمباری کے دوران اکٹھے جاں بحق ہو گئے ہیں۔غزہ سیول ڈیفنس ایجنسی کی رپورٹ کے مطابق دونوں ڈاکٹروں کی نعشیں غزہ کے وسطی علاقہ سے الاقصیٰ شہدا ہاسپٹل منتقل کر دی گئی ہیں۔
