اسرائیلی حملوں کے بعد ایرانی فوج اور ملیشیاؤں کا شامی دارالحکومت سے انخلا

   

مقبوضہ بیت المقدس /10 فروری ( سیاست ڈاٹ کام ) ایران نے شام کے دارالحکومت دمشق میں موجود اپنے مراکز کو حمص اور تدمر کے درمیان منتقل کرنا شروع کردیا۔ اسرائیلی ذرائع ابلاغ کے دعوے کے مطابق ایران دمشق کے بین الاقوامی ہوائی اڈے پر موجود اپنا اسلحہ سپلائی آپریشن کنٹرول روم حمص اور تدمر کے درمیان ٹی 4 اڈے پر منتقل کرے گا۔ اخباری رپورٹس کے مطابق پاسداران انقلاب نے یہ فیصلہ اسرائیل کی طرف سے دمشق کے بین الاقوامی فضائی اڈے پر بمباری کے بعد کیا۔ اسرائیلی ذرائع ابلاغ کے مطابق ایران لاذقیہ شہرمیں میزائل اپ گریڈ کرنے کے لیے ایک نیا کارخانہ بھی بنا رہا ہے، جسے حزب اللہ ملیشیا بھی استعمال کرتی رہی ہے۔