تل ابیب:نہتے فلسطینیوں پر ظلم کرنے والا اسرائیل سنگین اندرونی بحران کا شکار ہوگیا۔ غیرملکی میڈیا کے مطابق اسرائیل کے ریزرو فوجیوں نے عدالتی ترامیم کے خلاف سروس ختم کرنے کا اعلان کردیا۔ اسرائیلی فضائیہ کے ایک ہزار 142 پائلٹس اور ملازمین نے ایک خط کے ذریعہ اپنی ریزرو سروس ختم کرنے کا فیصلہ سنایا۔ اسرائیلی فوجیوں کا کہنا ہے کہ نئی قانون سازی سے اعتماد میں کمی آئے گی اور ہماری رضا مندی کے بغیر ہماری جان کو خطرے میں ڈالا جائے گا۔ اسرائیل کے وزیر اعظم نتن یاہو نے متنازعہ عدالتی اصلاحاتی منصوبہ کے اعلان کیا ہے جس سے ملک بحران کا شکار ہوگیا ہے۔
