طولکرم : فلسطینی وزارت صحت کے مطابق، اسرائیلی فوج نے مقبوضہ مغربی کنارے کے شہر طولکرم کے قریب ایک قصبہ میں رات کو چھاپہ مار کاررروائی کے دوران پانچ فلسطینیوں کو ہلاک کردیا۔وزارت صحت نے کہا کہ صہیونی فوج نے دیر الغصون میں چھاپے کے دوران ہلاک ہونے والوں میں سے چار کی شناخت کر لی ہے۔فلسطینی خبر ایجنسی نے اطلاع دی ہے کہ اسرائیلی قوتوں نے جاں بحق ہونے والوں میں سے کچھ کی لاشیں اپنے قبضے میں لے لیں۔دوسری طرف اسرائیلی فوج نے کہا ہے کہ اس کارروائی میں پولیس کے خصوصی یونٹ کا ایک رکن زخمی ہوا اور اسے ہسپتال لے جایا گیا۔طولکرم میں اسرائیلی فوج کی حالیہ کارروائی مقبوضہ مغربی کنارے میں فلسطینیوں اور اسرائیلی فوج کے درمیان ان جھڑپوں کے سلسلے کی ایک حالیہ کڑی ہے جو دو سال سے جاری ہیں۔ ان جھڑپوں میں سات اکتوبر 2023 کے بعد مزید تیزی آگئی ہے۔فلسطینی وزارت صحت کے ریکارڈ سے پتہ چلتہ ہے کہ سات اکتوبر کے بعد سے مغربی کنارے اور مشرقی القدس میں اسرائیلی فوج اور آباد کاروں نے کم از کم 460 فلسطینیوں کو قتل کردیا ہے۔
