دی ہیگ: نیدرلینڈز کے دارالحکومت دی ہیگ میں قائم بین الاقوامی فوج داری عدالت کی اپیل کورٹ نے اسرائیلی وزیر دفاع بینی گینٹس اور اسرائیلی فضائیہ کے سابق سربراہ امیر ایچل کے خلاف دائر مقدمے کی سماعت شروع کردی۔ ہ مقدمہ فلسطین کے جنگ زدہ علاقے غزہ کی پٹی سے تعلق رکھنے والے اسماعیل زیادہ خاندان کی طرف سے کرایا گیا ہے۔ مدعی خاندان نے الزام عائد کیا ہے کہ ملزمان نے 20 جولائی 2014ء کو غزہ میں واقع ان کے گھر پر وحشیانہ بمباری کرائی تھی ، جس کے نتیجے میں ان کا مکان ملبے کا ڈھیر بن گیا تھا۔وسطی غزہ سے تعلق رکھنے والے اسماعیل زیادہ نے کچھ عرصہ قبل عالمی فوج داری عدالت میں یہی کیس کرایا تھا ،تاہم 29 جنوری 2020ء کو دی ہیگ کی ابتدائی عدالت نے مقدمہ خارج کردیا تھا۔
