تہران : ایران کے وزیر خارجہ حسین امیر عبداللہیان نے، شام میں ایران کے ایک سینئر فوجی مشیر جنرل سید رضی موسوی کی شہادت پر اپنے تعزیتی پیغام میں کہا ہے کہ تل ابیب کی اب الٹی گنتی شروع ہوگئی ہے، اب تل ابیب سخت جوابی حملے کا منتظر رہے۔ میڈیا رپورٹس کے مطابق حسین امیر عبداللہیان نے کہا کہ اس عظیم شہید نے برسوں تک شہید جنرل قاسم سلیمانی کے ساتھ مل کر ایران کی سلامتی کے لئے دہشت گردوں سے دلیرانہ مقابلہ کیا ہے۔دوسری جانب تہران میں طلبا اور عوام کی ایک بڑی تعداد نے قومی سلامتی کی اعلی کونسل کی عمارت کے سامنے اجتماع کرکے صیہونی حکومت سے جنرل شہید رضی موسوی کے خون کا انتقام لیئے جانے کا مطالبہ کیا۔
