یروشلم ۔ مشرقی یروشلم شہر کے علاقے شیخ جراح میں گزشتہ تین روز سے جاری جھڑپوں میں کم ازکم تین سو فلسطینی زخمی ہوئے ہیں جبکہ بعض اسرائیلی سکیورٹی فورسز کے بھی زخمی ہونے کی اطلاعات ہیں۔ اقوام متحدہ نے اسرائیل سے ’تحمل‘ کا مظاہرہ کرنے کا مطالبہ کیا ہے۔ تازہ جھڑپوں کے بعد اسرائیلی وزارت انصاف نے مشرقی یروشلم سے فلسطینیوں کی ممکنہ جبری بے دخلی سے متعلق سماعت مؤخر کر دی ہے۔ وزارت انصاف کے مطابق سماعت کی نئی تاریخ آئندہ تیس دن میں طے کی جائے گی۔ دوسری جانب اسرائیلی حکومت نے پیر کو یہودی گروپوں کو سالانہ ‘یروشلم ڈے پریڈ’ کی اجازت دے دی ہے، جس سے کشیدگی میں اضافہ کے خدشات پیدا ہو گئے ہیں۔