تل ابیب:13 جولائی ( ایجنسیز ) اسرائیل میں جنگ بندی ڈیل اور یرغمالیوں کی واپسی کیلئے مظاہرے کیے گئے۔تفصیلات کے مطابق اسرائیل میں نیتن یاہو حکومت کے خلاف آج بڑا احتجاج ہوا اور تل ابیب میں ہزاروں اسرائیلیوں نے فوجی ہیڈکوارٹرز کے سامنے احتجاج کیا۔ رپورٹ کے مطابق مظاہرین نے ‘جنگ کا کوئی فاتح نہیں ہوتا’، ‘یرغمالیوں کو واپس لاؤ’ کے پلے کارڈز اٹھا رکھے تھے ۔ اسرائیلی مظاہرین نے نیتن یاہو سے حماس کے ساتھ معاہدہ کرنے اور غزہ سے یرغمالیوں کی رہائی کرانے کا مطالبہ کیا۔ دوسری جانب اسرائیلی میڈیا کا بتانا ہے کہ وزیراعظم نیتن یاہو نے غزہ میں ممکنہ جنگ بندی کے معاہدے پر بات چیت کے لیے اپنی حکومت کے اتحادی ایتمار بن گویر اور بیزلیل سموٹریچ کو طلب کرلیا ہے۔اسرائیل میں وزیراعظم نیتن یاہو کیخلاف جنگ کے آغاز کے بعد سے ہی مسلسل احتجاجی مظاہرے کئے جارہے ہیں اور یرغمالیوں کی رہائی اور وطن واپسی کا مطالبہ کیا جارہا ہے ۔
