تل ابیب : اسرائیلی وزارت صحت کے مطابق گذشتہ چوبیس گھنٹوں کے دوران اسرائیلی ریاست میں کورونا کے 30 مریض دم توڑ گئے جبکہ 6 ہزار 456 نئے کیسز کی تصدیق کی گئی ہے۔اسرائیلی وزارت صحت کے مطابق گذشتہ 24 گھنٹوں کے دوران کورونا کے شبے میں ایک لاکھ 30 ہزار افراد کے ٹسٹ لیے گئے۔اسرائیلی وزارت صحت کی طرف سے جاری کردہ تفصیلات میں بتایا گیا ہے کہ نئے ٹسٹوں کے دوران کورونا کے مثبت کیسز کا تناسب 5 اعشاریہ 17 رہا۔اسرائیل میں کورونا کے مثبت کیسز کی اب تک کل تعداد 12 لاکھ 28 ہزار سے تجاوز کرچکی ہے۔ سات ہزار 541 صہیونی کورونا سے ہلاک ہوئے۔ اس وقت کورونا کے فعال کیسز کی تعداد 76 ہزار500 ہے۔اسرائیل میں گزشتہ سال کورونا کی پہلی لہر مختصر مدت میں ختم ہوگئی تھی اور وہاں ماسک لگانا تک ترک کردیا گیا تھا۔
