غزہ: اقوام متحدہ کا کہنا ہے کہ اسرائیل نے شمالی غزہ کو جان بچانے والی دواؤں کی فراہمی روک دی۔اقوام متحدہ کا ذیلی ادارہ عالمی ادارہ صحت نے بتایا کہ اسرائیلی حکام دوائیں اور فیول لے جانے والے قافلوں کو شمالی غزہ جانے کی اجازت نہیں دے رہے۔ بین الاقوامی امدادی اداروں نے اسرائیل سے امداد اور دواؤں کی ترسیل کی اجازت دینے کی اپیل کی ہے جبکہ الاقصیٰ اسپتال فیول ختم ہونے سے تاریکی میں ڈوب گیا۔ غزہ میں اسرائیلی فوج کی بربریت کا سلسلہ تاحال جاری ہے ، اسپتالوں، اسکول اور گھروں پر شدید بمباری سے گزشتہ روز سے مزید 132 فلسطینی جام شہادت نوش کرگئے۔
