واشنگٹن: اسرائیل حماس جنگ کو مشرق وسطیٰ میں لبنان تک پھیلنے سے روکنے کیلئے امریکی پالیسی میں ایک نیا رخ سامنے آرہا ہے۔ امریکی وزیر دفاع لائیڈ آسٹن نے اسرائیلی ہم منصب سے اس سلسلے میں رابطہ کر کے انہیں جنگ کو پھیلے والے اقدامات سے گریز کرنے کا مشورہ دیا ہے۔امریکی وزیر دفاع نے اس بارے میں وائٹ ہاوس کی ٹیم میں پائے جانے والے تحفظات سے بھی آگاہ کیا اوران کارروائیوں کی طرف بھی متوجہ کیا جو لبنان میں حزب اللہ کو اشتعاال دلا کر جنگ کے پھیلنے کا باعث بن سکتی ہیں۔ لائیڈ آسٹن نے اسرائیلی وزیر دفاع گیلانٹ کو آگاہ کیا ہے کہ وائٹ ہاؤس میں پائی جانے والی بے چینی سے بھی باخبر کیا کہ اسرائیلی فوجی اقدامات سے لبنان کے ساتھ سرحد پر کشیدگی بڑھ سکتی ہے۔
