کابل : افغان طالبان حکومت نے اسرائیل کے خلاف فلسطینی مزاحمت کو فلسطینیوں کا جائز حق قرار دے دیا۔افغان وزارت خارجہ کی جانب سے جاری بیان میں کہا گیا ہیکہ آزادی حاصل کرنے کیلئے مزاحمت فلسطینیوں کا جائز حق ہے۔افغان وزارت خارجہ نے مطالبہ کیا ہیکہ اسلامی ممالک، او آئی سی اور عالمی برادری بیگناہ فلسطینیوں پر اسرائیلی فوج کا تشدد بند کرائیں۔خیال رہیکہ ہفتے کی صبح غزہ سے اسرائیل پر 5000 راکٹ فائرکییگئے جس کے بعد فلسطین اور اسرائیل میں جنگ چھڑ گئی، فلسطینی مزاحمتی تحریک حماس کے اسرائیل پر زمین، سمندر اور فضا سے حملے جاری ہیں جس میں صیہونی فوجیوں سمیت 200 اسرائیلی ہلاک، سیکڑوں زخمی اور درجنوں یرغمال بنالیے گئے۔امریکی میڈیا کے مطابق حماس کے ملٹری ونگ نے اسرائیل کے خلاف آپریشن الاقصٰی طوفان کا اعلان کرتے ہوئے 5 ہزار راکٹ فائر کیے۔بین الاقوامی میڈیا رپورٹس کے مطابق فلسطین اور اسرائیل کے درمیان نئی جنگ چھڑ گئی، غزہ سے اسرائیل پر ہزاروں راکٹ حملے ہوئے، غزہ سے راکٹ حملوں کے بعد تل ابیب سمیت پورے اسرائیل میں جنگ کے سائرن گونج اٹھے۔
