غزہ ،11 ستمبر (سیاست ڈاٹ کام) اسرائیل کے جنگی طیاروں نے غزہ کی پٹی میں چہارشنبہ کو شدت پسند تنظیم حماس کے ٹھکانوں کو نشانہ بنا کر متعدد فضائی حملے کئے ۔اسرائیل پر منگل کی رات حماس کی جانب سے کئے گئے راکٹ حملوں کے جواب میں اسرائیل کے جنگی اور ڈرون طیاروں نے غزہ پٹی پر اسلامی تنظیم حماس کے ٹھکانوں کو نشانہ بنا کر یہ حملے کئے ہیں۔ اسرائیل کے ‘اشدود’ اور ‘اشکیلون’ نامی شہروں کے پاس غزہ سے کل چار راکٹ داغے گئے تھے ۔ ان میں سے ایک راکٹ اشدود میں اس جگہ کے قریب گرا جہاں وزیر اعظم بنجامن نیتن یاہو انتخابی مہم کر رہے تھے ۔ اسرائیل میں 17 ستمبر کو پارلیمانی انتخابات ہونے والے ہیں۔