دوحہ، 4 جون (یو این آئی) انصار اللہ تحریک نے اسرائیل کے بن گوریون ہوائی اڈہ پر ایک اور میزائل حملے کا اعلان کیا ہے ۔ انصار اللہ کو حوثی تحریک کے نام سے بھی جانا جاتا ہے ۔حوثیوں کے ایک ترجمان نے المسیرہ یمن کے نشریاتی ادارے کو منگل کے روز بتایا کہ ہائپر سونک بیلسٹک میزائل کے ذریعے کیے گئے حملے نے امریکی فوجی ٹرانسپورٹ طیارے کو لینڈنگ سے روک دیا۔ گذشتہ ایک ہفتہ سے حوثی اسرائیل کے بین گوریون ہوائی اڈہ پر روزانہ حملے کررہا ہے ۔تحریک انصار اللہ نے تاکید کی ہے کہ اسرائیل کے خلاف حملے صرف غزہ پٹی میں دشمنی ختم ہونے اور اس کی ناکہ بندی کے ساتھ بند ہوں گے ۔حوثیوں نے 2023 کے آخر میں فلسطین کی حمایت کا اعلان کیا اور اکتوبر 2023 میں غزہ پٹی میں تنازعہ شروع ہونے کے بعد سے اسرائیل پر سیکڑوں میزائل اور ڈرون فائر کیے ہیں۔ اسرائیلی فوج نے یمن کے حوثیوں کے زیر کنٹرول علاقوں میں متعدد اہداف کو نشانہ بناتے ہوئے متعدد فضائی حملے کیے ہیں۔
جنوبی کوریا اپنے شمالی پڑوسی سے تعلقات بہتر بنانے کوشاں
سیئول، 4 جون (یو این آئی)جنوبی کوریا کے نئے صدر لی جے میونگ نے قبل از وقت انتخابات میں تاریخی کامیابی کے بعد حلف اٹھایا، انہوں نے شمالی کوریا کے ساتھ سفارت کاری کو آگے بڑھانے اور امریکہ اور جاپان کے ساتھ سہ فریقی تعاون کو گہرا کرنے کا عہد کیا۔چہارشنبہ کے روز اپنے افتتاحی خطاب میں لی نے کہا کہ ان کی حکومت جنوبی کوریا اور امریکہ کے اتحاد کی بنیاد پر شمالی کوریا کی دھمکیوں کے خلاف “مضبوط مزاحمت” کی کوشش کرے گی، لیکن جزیرہ نما میں امن کے حصول کے لئے بات چیت کے دروازے بھی کھلے رکھے گی۔انہوں نے ایک عملی خارجہ پالیسی کا عہد کیا اور سیئول، واشنگٹن اور ٹوکیو تعلقات کو فروغ دے کر علاقائی استحکام کے لیے اپنے عزم کو تقویت دی۔